كل مره بعمل المسخن بسلق الدجاج لحال المره هاي خليتو يستوي مع البصل وجد النكهه بتفرق وتشرب الجاج طعم البصل والسماق وطلع طري ودايب
المقادير:
- دجاج حسب العدد
- بصل مقطع مكعبات
- سماق مطحون
- خبز الطابون
- زيت الزيتون
- ملح وفلفل اسود
- بهارات لتتبيل الدجاج
- حب هان
- فستق مقلي وبقدونس للتزيين
الطريقة:
- بطنجره عالنار بسكب زيت الزيتون وعليهم البصل المقطع والجاج وحبتين هيل مطحون مشان الزفره وبقلبهم مع بعض وبتركهم على نار هاديه لمدة نص ساعه او لحتى يستوي الجاج
- بضيف السماق والملح والفلفل الاسود وانا بضيف عليهم عصرة ليمون مشان الحموضه اذا كان السماق مو حامض
- برفع الجاج وبتبلو بالتوابل وبحمرو بالفرن
- بجيب خبز الطابون وبغطو بالطنجره ليمتص من زيت الزيتون وبرفعو على صينية وبحط عليه البصل وبفوتو الفرن ليتحمر شوي وبعدين برش عليه الفستق المحمر
- بكرر نفس الخطوات بكل رغيف لتنتهي كل الكميه
- عند التقديم برفعهم كلهم على صحن فوق بعض والجاج عليهم وبرش بقدونس ولوز او فستق مقلي
- اكله فلسطينية معتبره وبقدم جنبها لبن بخيار وشوربة فريكه
ليست هناك تعليقات: